დიეტური ბლოგი |

BMI და წონაში დაკლების ექვსი აუცილებელი პირობა

03.04.2010 | 1087 | blogsnetgazeti
BMI და წონაში დაკლების ექვსი აუცილებელი პირობა

ამ დღეებში ვსწავლობდი  კუჭის მოქმედების, ენერგიის ბალანსისა და დიეტების შესახებ. იმდენად მნიშვნელოვანი ინფორმაცია  მივიღე, რომ გადავწყვიტე პოსტის დაწერა და თქვენთვის გაზიარება.

მოდით ჯერ დავიწყოთ იმით თუ ვის სჭირდება დიეტა. ამისთვის უნდა გაგაცნოთ ერთი მნიშვნელოვანი ინდექსი BMI – Body mass  Index. ამ ინდექსის გამოთვლა სულ ადვილია თუ თქვენს სიმაღლესა (მეტრებში) და წონას (კილოგრამებში) აი ფორმულით  გამოთვლით:
BMI = წონა / (სიმაღლე * სიმაღლე )
მაგ: 63კგ/(1.74 მ * 1.74 მ)= 20.8
ასევე შეგიძlიათ სპეციალური საიტის მინახვა და იქ შეიტანთ თქვენს მონაცემებს, შედეგიც ავტომატურად დაითვლება.

თუ თქვენი BMI 18.5 – ზე ნაკლებია, მაშინ ის დროა რომ იფიქროთ წონის მომატებაზე. თუ ის 18.5 და 24.9 შორის მერყეობს, მაშინ  თქვენ იდეალური წონა გქონიათ, შეეცადეთ ჯანსაღად იკვებოთ და ივარჯიშოთ. თუ თქვენი BMI 25 და 29.9 შორის არის, მაშინ  აუცილებელია რომ წონის დაგდებაზე იფიქროთ, იმიტომ რომ დიდი შანსია, რომ თქვენი ზედმეტი წონა, სიმსუქნის სტადიაში  გადაიზრდება.

არის შემთხვევები, როცა ჩვენი BMI სრულიად ნორმაშია, მაგრამ ჩვენ უკმაყოფილო ვართ ჩვენი ფორმებით. ასეთ შემთხვევაში   საჭიროა ვარჯიში და არა დიეტა, რადგან, როგორც წესი, ენერგიის შენახვა ხდება ცხიმოვან ქსოვილებში  და იმ ფორმებს რომლებიც  ჩვენ არ მოგვწონს, სწორედ ცხიმოვანი ქსოვილები ქმნიან. შესაბამისად საუკეთესო გამოსავალია ჯანსაღი კვება და ვარჯიში.  დავიმახსოვროთ ორგანიზმის ენერგიის ბალანსი ძალიან მნიშვნელოვანია და ეს ბალანსი სახეზე გვაქვს, მაშინ როცა მიღებული  ენერგია და დახარჯული ენერგია ერთმანეთის ტოლია.

თუ მიღებული ენერგია (კალორიები) დაკარჯულზე  მეტია, მაშინ ის გროვდება ცხიმების სახით, როგორც წესი კანის ქვეშ და ცოტაც  კუნთებში. თუ მიღებული ენერგია (კალორიები) დახარჯულზე ნაკლებია, მაშინ ხდება წონის კლება. ანუ ოქროს შუალედი  საუკეთესო გამოსავალია.

მინდა თავიდანვევ გაგაფრთხილოთ,   რაც უფრო სწრაფად აგდებთ წონას, მით უფრო მალე, ორჯერ მეტ კილოგრამებს ”აისხამთ”  დიეტის დამთავრების შემდეგ. ამიტომ წონის დაგდების პროცესში უნდა მივდიოთ ერთ მარტივ ფორმულას:  მცირე წონა =>  დახარჯული ენერგია > საკვების სახით მიღებულ ენერგიაზე

ამ ფორმულიდან გამომდინარე გასაგები ხდება, რომ წონის დაგდებაში კომპლექსური მიდგომაა საჭირო – კვების კონტროლი და  ფიზიკური აქტივობა. ახლა კი პუნქტობრივად ჩამოვწერ იმ პროცედურებს,  რაც აუცილებლად უნდა დავიცვათ, თუ გვსურს რომ  ზედმეტი კილოგრამები მოვიცილით.

   1. ყოველ დღე ერთი და იგივე დროს ვჭამოთ საჭმელი, აუცილებლად დღეში სამჯერ და ბოლო ჭამა არაუგვიანეს 6 საათისა
   2. აუცილებლად მივირთვათ საუზმე
   3. შევამციროთ ისეთი პროდუქტების მიღება რომლიც ბევრ კალორიას მოიცავს, როგორებიცაა ცხიმები და ადვილად ხსნადი  ნახშირწყლები
   4. დავწეროთ რას ვჭამთ, რის მირთმევას ვაპირებთ მომავალ კვირას, და შეძლებისდაგვარად შევიძინოთ ისეთი პროდუქტები  რომლებიც ბევრ ცელულოზას შეიცავს
   5. ავიწონოთ ყოველდღიურად
   6. ყოველ დღე მინიმუმ ერთი საათი ფიზიკური აქტივობა

როგორც ვხედავთ, ძალიან მარტივი პროცედურებია შესასრულებელი,  შედეგი ნელია, სამაგიეროდ ჯანსაღი გზაა წონაში დაკლების,  და რაც მთავარია, მიღწეულის შენარჩუნება ხდება,  რადგან  ვცვლით ცხოვრების წესს და არა მხოლოდ საკვებს.

მომავალ თემაში დავწერ ცელულოზაზე და საკვებზე,  რომელიც ცელულოზას შეიცავს.

პოსტის ავტორია მოწვეული ბლოგერი: Tomushka,  პროფესიით ოკუპაციური თერაპევტი. ავტორი ბლოგისა გზაზე ერთი კაცი  მიდიოდა http://tomushka.blogspot.com/